幾十萬音響器材喪試Jero DIY Conrad Johnson PV3

我係Jero！
開機後決定將佢放去幾十萬音響組合度試試，睇下夠唔夠抽先！文字好多！有心機就睇啦！

一部出色的音響成品，我覺得要將錄音時的樂器擺位，不同樂器、人聲的聲音頻寬及特性，分層次分音場咁還完反出泥！再加入適當的品牌特性，令乜都好平均的錄音樂曲，人性化咁表達反出泥！.....Diy 器材都係一樣！

經過多個星期同Conrad Johnson PV3的抗戰，今個星期日在Hi-Fi Diy 終於成功開了聲，須然線路鋪排上及地線的接駁方法嘗有多個改善方案，但整體來說都幾滿意，決定煲機一個月後，試盡這部機優缺點後，再定立一個摩機方案，到時會換個頂級機箱(加上自己的design)及接線方便再作改善。

小弟業餘從事錄音工作及玩了十多年樂器及PA器材，有鋪怪辟，鐘意係咁試唔同器材及線材的聲音與特性，耳朵有很高的靈敏度！多年玩音樂練反泥的！呢部又係自己製作，補品連膽加加埋埋都駛有七八千銀，唔好計心機錢，加上己將駛用多年的音響賣丟，因此對自己的DIY成品有一定要求，因此，一定要地獄式喪試呢部PV3可以去到邊度！家中名貴器材己經比我賣晒，為有攪攪朋友，最小要弄套廿三十萬級數的器材泥試下先得！一係唔試.......一試要去盡佢試先得，因此喪試開始啦！

拿得人家套幾十萬器材試，點都要保護下人地的財產，唔係賣身都唔點！試左自己套野，行反佢十幾廿十個鐘睇下有無問題先炸！
自家試機器材如下:
1) 十年Celestion A2座地speaker一對！
2) Teac解碼
3) Marantz CD38膽 CD player摩機版一部
4) DIY 3886 一部
5) DIY PV3 Conrad johnson 補品版！
6) 陳年西電電源線，超時空speaker cable，musical fidelity 信號線
7) 德律風根12ax7，valvo12At7膽
須然唔係好貴的器材，但都夠自己試下聲底架啦！........我聽開Jazz，人聲，小品，Blues等等！檢查完確定.....運送途中無弄壞接線之後，開機試試先！整隻Danny Summy的諳一聽聽先，因為呢隻碟樂器多，加上有人聲，係唔同Hz的音頻入面都有得試，好似double bass同個Bass Drum都可以試個效果！中音可以聽下個drum snare自唔自然，同聽下個Bass分唔分到唔同Hz的低音，出泥有無拿埋一注，Bass彈跳力有無過份！夾埋其定人聲樂器分唔分明，吹口樂器有無比撞散，人聲集唔集中到，立體聲分離度夠唔夠！........第一首假如可以試下佢！

因為未煲機關係，有些地方評論會作出一個理性定位，例如聲音較硬，Wave的柔軟性唔夠等等！唔會當佢舊機咁去試！呢點係明白架！
第一個感覺係解析力還原力唔錯！Detail好夠，人聲及樂器的尾音及細節聽得好清楚，立體聲分離度(音場的闊度)中上但未夠，因為新機聲音較硬會有呢個問題，因此不能作準，中頻音域表現好好，Danny係中音域的歌手，聽過佢現場同Cd十幾年，個中音好準確咁表達反出泥，無乜多餘的color！好滿意！但有齒聲，唇聲的問題，係某一個中頻太强都會有(唔係口水聲係小小尾音cc聲泥，唔好攪錯)，但高還原能力的CD機同amp都可能會將錄音時kill左的呢類聲還原到小小出泥，又可能係新機新線新電容關係，係某一個Khz的反應過大！因為人聲係好敏感，小小一點的改變都會影響到！我覺得係新線材新機或者高分析力居多！所以唔太擔心！一陣試試唔同音域的女聲無就唔關事架啦！低音方面.......第一個感覺係好强勁！成份推出泥的感覺，有點放縱呀！須然未至於唔收個隻，但比我個感覺係較為剛烈，有可能係Jensen同blackgate的電容太新關係！所以Bass的反應唔太自然！呢點要試多二百個鐘後先知！拿林轉條西電speaker石線中和反佢先，我聽開小品！純個人喜好，唔太鐘意大重bass，快出快入彈彈下個種較合我！個兩支膽的特性都好忠誠咁表達到出泥，膽機特有的空氣感慢慢咁飄到出泥啦，最驚無膽味者，....試過唔錯都無咁驚！相信煲完機後會好好多！
我再一路試左好多隻碟，但唔多講啦！.....要講留反將CJ試幾十雞音響先再作詳盡解析！.....要煲足佢十五個鐘先去我朋友度試！

我朋友的器材如下！

1) simaudio Moon Eclipse CD player
    http://www.simaudio.com/mooneclipse.htm

2) Hovland膽前級及後級
    http://hovlandcompany.com/products/electronics/default.html


3) Sonusfaber .......超頂級書架Speaker
    http://www.sonusfaber.com/index.html

4) Linn座地Speaker

5) 名貴線材及電源等粗粗地咁計都有成三十幾雞有多架啦！


將佢接上我部Conrad Johnson會點？......想知碼！哈哈我諗阿KK同william或者其他同學都想知掛！不過睇波先！聽日再寫埋！拿部CJ去同呢D級數器材拍埋玩，係咪好想知佢去到邊呢！

睇住小小相先！仲有好多呀兄弟！

Jero, 非常期待你的PV3煲機後及用幾十萬器材配襯後的效果!!

你的心機絕不會白費的!!

有可能係Jensen同blackgate的電容太新關係！所以Bass的反應唔太自然！

Reason :

1. Not enough time for burn in
2. Try look look the 1uF (feedback use), use my method teaching at 1'st lesson

KK

jem


請問有無同D無升級機Compare有甚麼不同.
可否List升級零件及total 價.



Thx

己出了part2試機報告在新一個主題！

回覆！
我大部份用了jensen同blackgate和RMG電阻！一個choke同線材！
駛左upgrade大約四五千到啦，唔大記得實際數字！睇反話你知！
想聽的話找日我拿反上去試聽下呀！

[quote:a7111fa0af="jem"]己出了part2試機報告在新一個主題！

回覆！
我大部份用了jensen同blackgate和RMG電阻！一個choke同線材！
駛左upgrade大約四五千到啦，唔大記得實際數字！睇反話你知！
想聽的話找日我拿反上去試聽下呀！[/quote]



多謝,七仟真是要聽吓.HifiFever they are busy all the time :?: and you have to said  that before (最小要弄套廿三十萬級數的器材泥試下先得！一係唔試.......一試要去盡佢試先得) have got any good idea can listening you amp with !!!!!!!

Rgds