JBL 同好會歡迎你！

阿狗燒 JBL 大概二十幾年o羅，經手玩過型號不計其數（工作關係），但係一個人玩太孤獨啦！希望有同好網友師兄一齊入黎吹吹水就好o羅！

下面係狗 D 玩具，大部份係 DIY 撘棚組裝，首先係 2402H 子彈高音，最高頻應可達 45kHz，彈頭具有好強既指向性，效率高音壓大，和 2405H 凌鏡差不多，2405H 專注垂直雙 180度，2402H 則沿軸心 360度 20W /110dB 阿狗比較喜歡。

四方木師兄，不要失望，Paragon D44000WXA 嗎？阿狗未有時間去，不過 Paragon 係阿爺時代設計，要用阿爺既玩法，否則只會衰聲！ Sorry, 係香港未聽過有地方玩得佢靚聲！ :-k

阿狗曾在 94年去過拉斯維加斯聽睇 Hi-end Show 和 CES Show，當時 Sun House 公司 用 LP + 845 大樽膽合并 + JBL Hartsfield ，聲音令阿狗畢生難忘，發夢都記往，阿狗今日燒到如施田地，唔生唔死，呢個係其中一個原因。 :

JBL 2402H 原本頻應只是2.5~20kHz，阿狗將 2405H 既驅動器組 DIY 配上，使其頻應改為6.5~55KHz ，作為超高音用。  阿狗還試過以聲頻訊號產生器，作超高頻測試，一開聲屋企赴近養的狗都馬上吠起來（當然狗記不會啦！），剎是奇景！   

Hi！New Hand 師兄，阿狗知到香港 JBL 代理當代公司是沒有進口這兩款 .7 的版本，如果你不介意沒保養的話那便沒問題呢！
JBL SCS200.5 或 SCS260.5 用 2105 推絕對 OK！因為兩款都是 15W 起動，sat200 --> 150W, sat300 --> 200W，而且 sat300 可以單獨一隻賣，可以買一套 SCS200.5 + 2pcs sat300 做前置 Total 7.1 仲正！ :wink:

Lamma 師兄，JBL 4321M 係日本自我研制的迷你喇叭，係為 5.1 影院而設音樂節奏較明快，40kHz~60Hz , 75W / 89dB，唔難玩，不過中音會薄左少少，低音會更少，如果價錢 $4xxx.- 不如買新款 JBL  L830 仲正！
http://www.harman-japan.co.jp/products/jbl_cons/l_series.html

New Hand 師兄，兩款中置和 subwoofer 都相同，如果想平價d 去旺角天下，如果想服務好d 去時代。
祝你買得開心，玩得開心！ :wink:

178(BE 白木) 係 5.1, 188(CH 棕色) 係6.1 而顏色有所不同，可惜喇叭仔無單賣，可以用 JBL E20 做前！

New Hand  師兄，天下在友誠大廈，時代商場 8 樓。自己找一找，不能說得太清楚，sorry 師兄！

Samma 師兄，剛剛在天下和數碼坊展出，黑箱銀單元，遲d 仲有棕色。

師兄，如果用力水唔大既機推 4Ohms 和 8Ohms 反同音量都會唔同，4Ohms 反應較快，但爬升速度慢音量較細，相反 8Ohms 反應較 4Ohms 慢但爬升速度快，音量較大。  不過別怕，因為在AV amp 既Setting 設定裏是可以解決的。

E30 係正規書架全音域，當然比 E20 好，EC25 係 90dB 8Ohms 最大承受 300W，亦是比 Sat 178 /188 center 好很多！ :wink:

New Hand 師兄，首先恭喜你有新玩具玩， Wharfedale 反應比 JBL 慢一些，聲底圓圓林林，英國味，唔會太難搞！同 4Ohms 既 188 應該夾得來！

師兄，若是修正，便是從 AV amp. spk.conf. 中 set 4Ohms，以 system 中最低抗阻之喇叭為基準，但是在每聲道之協調上得看實地之表現而定，New Hand 師兄，可否先 setup 聽一下，再話比阿狗知現有表現如何？你的設定如何？ :wink:

師兄，勿客氣！
繼續阿狗既玩具：   JBL 2445J 4"標準振片中高音驅動器，原有之 16 Ohms 鑽石紋鈦振片，被阿狗改為 K2 S9500 的 12 Ohms 475Nd 振片，令其音色濃度提高。

改版 2445J  單元直徑 12" 重 25kg ,12 Ohms, 120W ,111dB 頻應 450Hz ~ 20KHz，等化器配用 HL91  12"柏葉式凌鏡，令音頻擴散自然，亦同時保存強列指向性，這個也是阿狗最喜歡的單元。

另一隻是紅極一時的 4425 Horn 咀 2324+ 2416H , 雙180 度幅式擴散設計，震撼了當時整個音響界，特別的蝴蝶外型成為它的標記，通透活潑之特質迷倒不少發燒之士，阿狗亦不例外。

在 2416 之前阿狗用 HL87 蜂巢咀，它一道是阿狗的致愛，可惜一次經濟危機中，阿狗的大部深愛玩具，都要賣身救主......唉！既已曾經擁有，又何必天長地久。

HL 87 +LE85 和 2324 +2416H，略有分別， HL87分聲音甜美自然，古典純樸，2324 則充滿陽光，寬闊開陽，活潑純真，各有各特色，正是魚與熊掌，而最遺憾是它兩無緣相聚，一比高下，真是可惜！可惜！ :cry:

Samma 師兄，JBL L830 ，8 Ohms 90dB 150W，三路三單元，低音為 165mm 口徑 SFC 對等磁路、VGC軸心風冷 設計，25mm 純鈦高音，18mm 子彈仔「密拉」超高音，還配合雙幅式號角咀。
         若喜歡 POP Song 和 Jazz 就冇得頂，高音達 40KHz 之高，令高音通透，上升順滑，空氣感強烈，音場廣闊，而且非常易推，夾機超簡單。

師兄，如果 舊款 JBL 4312 有鼻塞塞，可能性有幾個：

1. 擴音機輸出電流(A)不足，導致低多高中少。

2. 高音單元老化，壽終正枕。

3. 線材配合利低弱高中。

4. 諧振影響，弱化聚焦，令高中音迷糊。

因素太多不能盡說，4412 係 4312 既改版，二手價 3xxx ~ 4xxx ，6xxx 就貴o左好多，不如考慮下 JBL 4312D 釹磁版，有古典味，聽聲底極似鈷磁，效能比鐵氧磁更高，正是魚與熊掌兩者皆得！ :

師兄，沒法啦，4312D 連 12" 低音都用上昂貴的釹磁，一隻對四隻成本，但阿狗聽過所有 4312 的版本，4312A、4312B、4312C、4312D、4312MKII、4312XP、4312M 等等，發覺 新 4312D 最好聲，而且帶有濃厚原袓 JBL 的音色，確是難待得！ :wink:

MDLP 師兄，如要確定真正原因，請說明所配機種，一般如高濛、中干、冇低既情況是意味機力不足，4312D 是 6Ohms 的，會有一定要求，大電流輸出之機種較易配合。(這跟瓦數大少無關)

  4425 兩路 8 Ohms 103dB，比較易推，屬粗擴型，與 4312D 聽法口味不同，而阿狗較愛號角，因為世上沒有一種發聲元件，演譯吹奏之樂器比它更好，具備優良指向性、質感型態、音壓與聲音濃度、充滿豐富結象力............
  4312D 卻是平衡度高，分析力較好，宜聽小品，由 8Ohms 改為 6 Ohms 令頻率阻延度下降線性度更為優化，整體表現異常出色，若以 HCC 正負 30A (安培) 以上之擴音機種煲機，一日四小時運作，相信在兩至三個月內會進入狀態。 :wink:

MDLP 師兄，依照您的硬件來看的確不存在力水問題，若反之有電流樽壓現象出現，即是在 power Amp 輸出時電子流過于充積造成頻障，特別在高中頻段，可否再詳述線材和接法，阿狗懷疑在配合和調教上出了小問題。

因為阿狗用過不同機種推過 4312D 並沒出現此問題，有高 A 低 W 亦有 高 W 低 A 擴音器，喇叭係全新既，卻在一小時後已進入狀態了，請切記它是以釹磁構成，與老款設計完全不相同，勿以舊有玩法作依歸！ :?

阿狗試過用假 Bi-Wire 之玩法解決過 A 流太大的情況，而且對首次開聲有幫助，不妨一試！ :wink:

MDLP 師兄，AQ CV-4 同QED25th 紀念銀版，皆爽聲流快之線，線之特性唔匹配行 Bi-Wire 都唔會有改善，如用于低電流機種或低效率喇叭上會有正面增益，照你現時之情況不大適合，若果擴音機瓦數足夠可用粗線補救，AQ BedRock 會 ok dd，英國 Ecosse CS4.4 阿狗試用夾 AV amp 都可以。

要明白 4312 系列是純鑑聽型喇叭，餵甚麼出甚麼，原汁原味，若出現衰聲情形，很大可能在配合上、調教上、擺放調配上出了問題，有時諧振會令高中頻開失調和無法結象，如衰聲現象只出現在單一聲道，便要對換測試，看是否喇叭本身出現問題。

鈷磁乃很早期廠家開發使用之希有磁力金钃，好處量輕磁能大，針對當時之低瓦低電流膽擴音機，發揮小電功率大效率的卓越功能。


後來時代進步，低耗電量的晶體管機面世，高瓦高電流輸出，而且效有經濟效益，於是全面取代了舊有的膽機的位置，可是當大功率擴音機推動鈷磁喇叭時，出現了一個至命問題，就是大電流的窩流現象令鈷磁磁能下跌，甚至失磁，這是品質上絕不容許的，於是鐵氧磁便應運而生。

鐵氧磁品質穩定，而且永久耐用，不易受外來因素影響，當時連軍需品亦全面改用，不過在磁能上卻比不上鈷磁，要達到同樣之能量鐵氧磁體形卻要大上三倍以上，所以大磁喇叭一度風靡了好幾個時代，直至釹磁問世。

釹磁和鈷磁同屬希有磁能金钃，以很煩複的程序和技術提鍊而成，既有釹磁級數之能量，也同時擁有鐵氧磁的穩定和耐用性，可說是近代最完美先進的磁學元素，但因成本較高昂，所以只有在較高級之揚聲系統上配用。

另外若單憑簡單平價 dB meter 量度，並不完全標準，因為廠家之墨克風測試之 mic meter 是用上過百萬的器材，而且在 0 dB 房間內進行測量，還有多種技術支援配合，所以若在一般家中測量，永遠很難準確度取參數，勿過于執意數句標準呢。

係呢，師兄有興趣做家訪嘛？不過先至聲明，阿狗係閒日既夜鬼，一經招惹成晚唔駛睧喎！ :

師兄，呢輪星期六真係冇乜乎，等阿狗想想辦法！

仲有 JBL S50 亦係 Horn 咀，如果你覺得正，o甘就幣啦！

即係話你已經中左 Horn 毒啦！ :

呵呵！果然係中左 Horn 毒啦！

Control Wave 係改自  80年代系列 JBL XPL ，特點係用大口徑鈦中音，Control Wave 係日本制造，阿狗都玩過，用過 MIT 線 class A 35W 合併推過，人聲非常唔錯，當然低音睇喇叭 Size 都唔駛多講啦。

阿狗都有對 Control 1 AW 全天候喇叭喎！ :wink:

係喎！低 Ohms 高電流，阿狗之前用過 MF 小 D/A 出 Audio Research 單膽前去 Quad 606 ，推對 Pro III 好聲到可以用誇張來形容！ :

當期時未有老婆既負擔，財力不可和今日而譽，如今正是眼看手勿動！ :  [-X  :cry:

另外有款又平又好聲既 JBL 4206 ，身材有 dd 似阿狗因為有個大肚腩， 6"吋低音兩路書架喇叭，鑽石紋純鈦高音，95年賣價三千八蚊，可算係平價精品之選！ :roll:

MDLP 師兄，果然迷者！   阿狗亦有同感，06 比 08 好聲得多， 08 低音太多，沒有靚線條。 :wink:  4425 阿狗玩過，配 300B 的確唔錯，2416 驅動器和蝴蝶 Horn 亦係阿狗手中保留的愛品。

阿文師兄，845 大膽推 4312D OK 喎， 阿狗亦曾經用 Unison Research S8 推動過，好味好力，但只限小品、Jazz、慢版 ，大棚爆棚則略為牽強。
Kimber 較平均，高音內斂，速度中版，口感厚暖。
AQ CV-6 較光輝，高中亮麗，速度偏快，口感剛勁，力感充沛。
師兄應先由白己之口味來選擇呢！ :wink:

MDLP 師兄，可以話冇乜，因為新款 X記 全部包起黎賣，價格只有炒高，以市場十入七出既價口，得餐玩！無數！
不過，阿狗個老友早兩年賤價購入 JBL Ti 10K 約皮半 (外皮有花損)，後來因正貨加價，以2 皮放出。 :

阿文師兄，MDLP 師兄講得全對，所有新喇叭一開聲實是強差人意，勿心急狂揪，以免弄巧反拙，新音圈因未完全響應電子流速，易在暴迅之高電流中發生高熱，膨漲不能動彈，或燒斷！ :-s

MDPL 師兄，恭喜煲機有進展！對43xx 雖是8/9 乘新但成五皮野就..........好似仲有其他選擇呢，JBL Ti-1000 ，阿狗曾玩過，很不俗呢！用金嗓子 E240 推，甩晒箱，後進軍 Ti-3000,Ti-5000，後更借了老友對 250Ti 返屋企玩，勁傻仔！

L250 雖外型似Ti 系列，但音色各走極端，L 為傳統鑑聽型喇叭，平直不扁，公正精準，沒半點兒音染，Ti /TiK 乃歐洲血統，文藝優雅，音色帶甜，圓滑溫暖，不過兩者皆有一共通點，都同是多路多分頻設計。

Ti 10K 聲低細緻甜蜜，歐洲味濃，雙 Bi-Wire 八線輸入，對電流要求強，大瓦 大電流石 Amp 推較佳，若果新淨兩皮絕對低，如果兩皮只係 Ti6K 嘩！o甘就貴啦！
Ti2K 有個老死玩緊，打死佢都唔放，入貨價超低 $7xxx.- 9.999 新鋼琴克，的確靚仔！ :roll:

有冇用喇叭花隻煲機碟？怏好多！

JBL L250 WX 分兩期，早期用硬纖維電木振片，之後改用鋁，而當開發鈦振片時，把型號直接改成 Ti 系列，即 100Ti,240Ti,250Ti，250Ti 改版成 250TiBQ，路線漸漸脫離 L 的原先設計了。 :wink:

MDLP 師兄，喇叭花封面隻隻都好相似，阿狗隻種都係抄返黎，借左比 Kit 少，可以既話阿狗叫佢抄隻比你，正本很難找且超貴，成惠千幾大元一張，總長 72 分鍾，見意每煲一次停機一會，否則機會過熱！ :
240Ti 本是與 250Ti 同根，耐何設計上太似 L100T ，未能和非等邊箱體的 250Ti 大佬一同經典，以致二手價有頗大相差！ :wink:

阿文師兄，木腳架音色帶溫暖，金钃架令喇叭剛性增加，各有各好，唯重要的是其高度，最好高中音單元齊耳仔高，或其高低不差於半呎之內為佳！ :wink:

AV 男師兄，請問你隻 LX300 係 MK I 定係 MK II？ 是 6 Ohms / 4 Ohms 之分別！若是 4 Ohms 請先於 801 set up menu 中的 impedance 裏選擇 4 Ohms ，10~125W，88 dB，50Hz~25KHz，分頻點 3KHz，Onkyo 801 應該不難推。
線材宜用以下品牌：
AQ、XLO、Kimber、怪獸.... 宜用純銅線芯，必需用釘和釘碟，碟底加黑膠戩，或可用木棋加黑膠戩，會加強低音彈性，而且又改善高音之表現。 :wink:

OK，OK！阿狗都係已婚人仕，師兄你既苦處阿狗感同身受，新精頭緊係拜年多多，忙個不亦樂乎，而且 BB 大晒，自然係親友之重點所在，總言之就恭喜發財，BB 快高長大，聽教聽話，大家身體健康，繼續發燒吧！ :  :  \/  \/  \/

AV男師兄，如果喜歡 JBL 既聲不如試下 E30，比 LX300 易推得多，25~280W 8 Ohms 88dB，有 Bi-Wire 同防磁，$25xx.- 左右，玩得過！ :wink:

E30

師兄們，恭喜發財！嘩，乜你地唔駛去拜年既？阿狗忙足五曰未停過，不過好多鋪頭年初二就開工，今日開工大吉，反而輕輕鬆鬆，不過初二台 DIY Power Amp 可能年紀大，一邊 Ch. 燒咗，唉！呢排回家冇歌聽，比老婆鵝咗兩曰，睇黎要先找個代替品，以應一時之急了！

MDLP 師兄，阿狗已為你燒錄了煲機碟，不如約個時間睇下點交比你，好嘛？

不如 22 - 2 -2006 APM 個 show 你都上黎玩下吖！到時比隻碟你，又可以同你食餐飯喎！

MPLD 師兄，到時去會埸找狗記就得啦！
:wink:
http://www.hififever.com/forum/viewtopic.php?t=425

OK ! 我請消夜！有冇私伙調聲配件(釘,碟,墊,壓.....)可以帶上黎一齊玩 一定好玩又開心

師兄，(power amp)McIntosh MC275 40週年紀念版，老朋友牌子既後代，是較佳之配對。

MDPL 師兄，煲機進展如何？上了一堂狗記吹水會可有啓發？ :

阿文師兄，有時喇叭隻隻外型都差不多，好似都一樣，表面上好似連玩法都應該一樣，不過若細心留意一下，其實每一個牌子廠家都有其獨特既設計意念，玩法和配合既要求都完全唔同，切忌一概而論，比如單說 JBL 這個品牌中，基本箱體設計都有分很多不同類型，有些切計要利用牆壁既擴散特性，有的係純繞流設計，有些係依賴箱身本體共嗚，有些利用全氣塾理念.......

而且在技術上既數句和制作風格，各品牌亦有個別路線和取向，只要針對其設計特性和性格，匹配和調教就會容易得多了。 :wink: