名貴器材喪試Conrad Johnson PV3 Part2

續試CJ PV3

去到個朋友度，佢己經煲定機等我，我地先聽聽Hovland前後級播唔同碟的反應先！一路試左好多唔同種類的碟，全部用對sonus faber泥試，呢對speaker細細對個低頻動態同整體的音頻反應好沖足，音場廣闊，剛柔並重，唔係講笑，絕對可以比美好多出名的座地speaker，唔怪得買咁貴，一試難忘，第日點都要買反對玩下先得！

因為用同廠前後級(hovland)關係，講真係配合得好好，所有野都好平均，無多無少，整體的聲音十分輕柔和暖，動態方便中低頻處理得好好，分得好清楚，但整體聽落就無好特別的個性，和暖的空氣感唔係十分之重！當試上六七種樂器的大場面爵士樂時候，動態感、分析力、樂器擺位及音埸都係水準之上！.....但就無乜令我有特別驚喜，奇怪部Hovland前後級都係用原裝膽，我諗一換上華麗少少的靚膽，部野當堂會更上一層樓，細問之下原來佢話呢套野用泥粗聽，哈哈....吹脹！佢話擺屋後會換上MBL.........到時再去佢到聽下傳說中的MBL先可能小弟要求太高關係！呢套前後級我比佢75分以呢個價錢泥計！但個Moon CD player同對sonus faber就係93分以上之產品！....整體我覺得套Hovland係中性聲，平均的新類膽機產品，唔係話特別柔性同特別厚聲個種！聽小品同jazz一流！....聽過十多隻碟後，我心中己經有左個盤算我部CJ preamp放落去夾個Hovland 後級會有乜聲底改變，........心裹面覺得應該唔會輸好遠！..好....開始接駁試機先！

一接左部CJ，換上蔡琴的機遇去試試人聲先！琴聲的中高音反應去得比部Hovland 前級盡少少，琴聲的殘留響應聲留得幾自然同真實！講真係實在過部Hovland，可能係部CJ較為厚聲關係，到蔡琴出聲時蔡琴的胸腔中低音(好憎D雜誌友乜聲都話係喉底聲，講真用喉底做力發聲勁難聽及唱一首歌把聲都玩完！)比佢部機厚同集中，但個音場就明顯無佢咁華麗壯闊，少了一種殘響擴散的感染，應該係新機關係泥，人聲小了一種和暖同順滑感，煲完機應該會好好多，唔擔心！分板力仔細度方便就大膽講句一首歌都聽得出係不相百重！蔡琴唱歌的range好闊下，由低音到中高音域都成日轉變！有時一下就變到去盡佢架！所以聽蔡琴有會一種大場面的感覺！呢部CJ處理得都可以，動態感十足，聽落最高個音域同最低個音域都唔太生硬！但要比的話中高音自然過個低音(都係煲機問題，試多一排唔係的話我諗聽KK講要拼多粒.01uf落去啦！)。整體來說聽蔡琴都幾搶耳，feel到我個friend都有點點驚喜！嘻嘻！................

跟住試左好多碟，家下講講諳一的假如啦，都係個句，多樂器，動態多，有得試！.......前奏過後bass一出個時呢，聽到係比多左架啦，我同朋友都有呢個感覺，因為對sonus faber反應好快架！一出多就會表現到出泥！但聽下D低頻有無撞到中高音同人聲拿埋一注先！.....答案係無架！純水係低頻推出泥時間多左，收得唔太自然！但其它野特別係中高音都好流暢自然同真實！聲底幾厚下，動態感力度好夠，我諗係我係電源穩壓方便都幾重手下......力水夠晒奔放！下次煲完機諗計tune下佢就一流啦應該！講膽味，呢部機就好過部Hovland，須然無佢咁暖聲，但個種來自德律風根的12AX7的味道好能夠發揮到出泥！反為我另一支Valvo 12AT7的聲就比較中音標，我諗我要換反英國膽味的12AT7膽中和反佢先得！有時中音太標聽得多會累架！

跟住足足試左兩個鐘部CJ，又換膽又換線又換碟又試下對Linn座地咁！長話短說，來個總結啦係時候！
究竟我呢個DIY初哥做的呢部本煲夠機的CJ拍埋去玩夠唔夠秋先！.........我同朋友都一至認為係同部四五雞野的Hovland唔同聲底，但要比較的話，暫時係輸小小！(好似足球咁讓平半到啦)....但價錢就差左五六陪喎記住！咁差左D乜呢！我話你知啦！

1) 未煲夠機
2) 音場無佢咁闊(係唔夠闊唔係唔夠華麗，我支德仔坑膽幫呢度頂反唔小架)
3) 分板力絕對不相上下，分分鐘好過部Hovland
4) 聲音我部較厚同中高音比較標，佢就和暖過我！
5) 音樂動態方便Hovland比我自然，我就傾向於奔放！
6) 我部低音收得唔好(例如去到個Bass Drum，即係用腳個個大鼓放得多了一點，大約係Bass Drum呢個range的Hz啦！)

...煲過二百小時候會一次過改晒佢！....到時再試過先！睇下有無改善！

註: 個volume太大聲，我的第一格等如人地第四五格到！
      各兄第DIY呢部時留意電容的選擇同要夾一下！最好DIY前考慮下拼多粒0.01uf！
      用線時選一些中低音無咁出的線材！如果你中意暖聲的話！中音聽大動態野又另計！

寫左咁多！希望幫到大家了解呢部CJ的特性同較聲啦！記住用靚膽喎！
支12AX7我推介用二百蚊左右的用RCA......12AT7就EH都唔錯！.....upgrade的話，Jensen銅管不作它選！唔知阿Ronald個部又乜聲呢！有機會一齊拿反去HIFIFEVER度聽下先！

Hi Jero,


Problem:

2) 音場無佢咁闊(係唔夠闊唔係唔夠華麗，我支德仔坑膽幫呢度頂反唔小架)


Solution :

Seperate the Input GND, as I told to you before, you connect the L/R GND together because of the limitation of your cardas cable.

Try to seperate, you will get another result.

I will review your problem again when you finish the signal cable replacement.

KK.Ho

我條地線分兩條真接由個棚兩channel分開咁獨立去個RCA度但就無再接落去個電源板到，你應該記得！......咁我想個音場闊反應該點接呢試下！

哦........我直頭要由Input RCA 去volume個度分埋佢呀！如果咁樣個音場會闊反？所謂的立體聲分離度係咪！
咁我會將呢個方法一次過連埋個菊花終極深海地線接法轉埋佢先！
下星期二比你望望！

我想問下，就算我一開始由個Input rca度分開兩條地線去個Volume制，但由個Volume制去到個棚到都係連埋左，最後我由個棚分兩個channel咁獨立去個output rca到，.........如果照你咁講我係咪要連個棚個度都唔好連埋條地！....
一路都分到尾呢！即係連個棚個度都分離埋佢！
唔該！

Yes. the gnd should be only connect at star location.

/after that, you will win back 1/2 ball of your competitor.

KK

KK sir，咁我係個棚度都分離埋佢，因為你應該記得個棚中間我用一條單支銅連埋左佢！....

KK Sir,

1) 是否将地線採用星型接地法可改善？
2) 輸出电容改為用1u + 0.68u + 0.47u + 0.1U 取代2.2u會比用2.2u + 0.1u更見效 ?

:roll:

Tks.

silva兄

你個部攪點開到聲未呀！D聲點樣呀！

Jem兄,

基本上己絰銲好，但沒有膽在手，因此未試。下星期二的開放切機時間不適合，預計會在下星期六上去HIFI Fever試機，你有沒有時間上去試聽比較？

大體上上我試好晒架啦！係睇下點樣攪好個地線同想個空間感大一點！應該星期二會攪點！睇下邊日得閒呀！

Hi Jero,

Regreted my diy amp still under construction. I,m very interesting the sound of your upgraded diy on my system. I do wish invite u to test again in my home at any convenience time. My home at Tseung Kwan O. :  非常期待......

                                                                               Chris

不如約埋多幾個同學一齊帶機找個地方試，睇下個個有乜分別，阿Ronald個部仲勁料個我個部！.....將軍澳我都近喎我住西貢！睇下邊日得！

Jem & chris,

好意見，约定時間請通知。多幾款唔同quali CJ-PV3 作AB比較、先知補料是否值得，不同佈線的结果。

Will u come to Fever on Tue? If yes, we make appointment then.

Hi classmates,
Pls gather the date/time and email to my address: kchris@hififever.com. Better be after 5pm at any day. Few people is ok due to my small place. My system is just a normal gears not expensive.