2013夏季－隔離牛製作班x電源線材製作班

好高興可參加隔離牛製作班，家中已有一個3000w的隔離牛在使用中，隔離牛有3組輸出，1組1400W，2組800W，駁了BD Player，AV 前級，3個有源喇叭，1個超低音

而今次造的1500W，可以放後面以供2個後置有源喇叭及投影機用

未加今次的隔離牛之前，因為已有個3000w隔離牛，畫面同聲音都好好多，雜訊小左，音樂背景靜了許多，一靜細節就出來

加埋今次的隔離牛，畫面更加光更加清晰，雜訊好明顯更小，眼也突埋出黎，而因為後置喇叭噪音小了，令成個音場更立體，背景更黑，細節也出來了！

今日手痕打開之前的3000W隔離牛，隻牛唔識睇，但其他料真係一般，美插是大陸嘢，啲線好幼係渡銀線，好在佢打孖上，電容是平嘢！唉！

之後又手痕，就係打開今次1500w的隔離牛，全部包上吸電滋波物料，再試………………………………畫面同聲進步好多啊！大家可以試下吖！

多謝導師的專業教道，對比隻3000w隔離牛，今次隔離牛班的用料好好多

我無地盒啊！但有用工業用“地瀘“一樣好正，能將外來雜訊隔絕不能進入音響，但能比音響發出嘅雜訊帶走！背景更靜更黑！

如果加埋地盒會唔會更勁呢？

kk_ho兄，我都有諗過加滿“爉青“嘅造法，但日後有問題維修唔到，但如你所講加入地盒材有得諗，但材料會過電嗎？短路就不得了！而地盒內材料貴嗎？

kk_ho兄！電氣預埋我吖唔該！