JBL 同好會歡迎你！

首先預祝各位師兄耳運亨通。我仲用緊JBL-50A 10吋低音，用大陸胆機EL-34推，人聲都幾好，是否喇叭唔夠班，換4312D如何，請指點！

恭喜發財，萬事勝意，唔夠班的意思是，如果換喇叭人聲會不會更好，如4312D因我比較喜歡JBL這牌子，因為L-50A都很耐用，請指教。

唉！正是資金有限，牽一髮動全身，唯有聽住先，多謝你的意見！Thanks

放假冇街去，一講起L-50A就火都黎埋，點解？話說廿多年前帶足銀両去西洋菜街，買JBL4311B，因為當時音响世界讀者信箱經常推介，貪平走進一間當時相當出名的黑店X威，二話不說，就落了一仟元訂金，正想落地址送貨的時候，個SALES出招話：JBL邊有人買架，冇高音，啪邊，低音pet pet聲，買呢一對喇，英國嘢，12吋同軸，冇得揮。，我一定要JBL，佢冇我辨法，叫我試L-50A，可能未做手脚，都幾好聲，冇得退訂，唯有阿超着褲L-50A都殺！仲有下文，趕住去拜年！，待續

搞錯咗，唔係去拜年，係有親友來拜年至真，趕住熄機接財神，聽完音樂情人，曲終人散。講番L-50A無奈之下落了一仟元訂金，唯有返歸等候，等了兩天，街都唔敢出，突然電話響起，又係果個SALES來電，話L50A冇貨，不如轉10吋同軸果對，話仲好聲，我死都唔制，經一輪交涉，有排講，簡略。最後終於送貨來了。幾天後去其它的正鋪一睇，又中招，原來價錢仲貴過JBL4311B，唉！年少無知，如果唔係這樣，可能宜家仲用緊4311B都唔定呀？順帶一提當年在音响屋有閣樓果間，一聽難忘的喇叭就是JBL4313和馬蘭士的水晶LP盤，真係好靚聲！提起4313二手市場好似好少見到嘅？請各位師兄不要見笑小弟的無知呀！晚安，明天(過了十二點)應該是今天開工大吉。

好彩仲有啲A字頭既機和T字頭同軸喇叭都幾好，如果唔係就........