夢幻DIY前級

牛前級終於煲咗100個鐘，係時後出份用後感，講真初初開機時只有小許驚喜，聲底音色唔錯，但分式及細緻比較亂，當然新機到總會花幾天左駁右搭希望找出最好組合，結果發覺用老麥石機做後級效果比較好(只是比較好) ，雖然眾所皆知膽機係要用時間去煲練，由其用Tango牛，但只要一日未好聲，心裡總會問是否己到了最好，還可以再好嗎？30個鐘過後樂趣開始來了，它的改變使人興奮，一次比一次細緻，層次分明，只是覺得低音比較肥，50個鐘後低音明顯改善，愈來愈舒服。我比較喜聽人聲和小提琴，期待遲些有時間可以做部300B後級就心足了，其實膽機真係好好玩，樂趣石機真係比唔到你。最後想提一提，自從加咗modi sir個隔離牛後，背景非常寧靜，對改善層次及加強質感十分有幫助。