o的投資點算

因為有人問o的蟹貨點算 - 我試下估下啦 :!: 做個港估佬...

小弟會覺得港股在只有壞消息既情況下, 都會待續向下

以熊市三期(波浪理論)推算, 到14000-15000先見底, 想既就有錢都要忍手

另一方面, 應留意成交量, 最少要連續3個交易日, 交易額在400億或留下, 個跌勢先至會見底... 人人沽到冇咩好沽 (到殘冇可殘之際) - 技術上就係超買

到時大家不妨入, 隨時係下一個高位的一半, 好似你在沙士入滙豐@60蚊, 今日的滙豐仍然係11x (可能好快會低過依個位, 去到100蚊邊)

故仔講依度先... :wink: 有機會再講

都好頭痛, 手上還有少少成份股 - 都差不多到止蝕位 - 要忍痛賣, 即時會唔見15%

要賺錢, 要學識止蝕, 依方面我之前都做得未夠好...

唉, 唔見o左去年賺既, 好彩未算入肉... 但如果入o左肉, 你先忘記佢, 放埋一邊等...

但中資金融股, 會係最受影響的一環...如果只蝕20%左右, 我建議清倉...多個依個數, 唔好諗, 玩下hifi 就係咁

我有一隻股票write-off都係咁啦!  睇開o的, 一定會賺得返

同意kk所講, 未來兩年都會好差...  亦會令一些人永遠不再買股票

有一點要注意, 公司間的合併, 會導致地球上大企業的進一步monopoly; 做得唔夠好的大企業一樣要out

大家會唔會諗起二十年前, 四圍還有士多; 十年前有兩間超市, 今日多o左華潤
但你會唔會諗起第四間...除非你好特別, 好似裕記或citisuper...

貧富差距會越來越大...所以要盡快脫貧先得

未來可能你買ic, 只有ti, intel; philips都會一步一步衰落...

都好采...因為再跌多1.5%, 我就會止蝕

三年/四年左右一個business cycle, 但當然冇固定時間...

3個細cycle, 1個大cycle...

其實香港人都好無奈, 人人都基本要去買股票, 因為有個強積金; 打刧打工仔俾錢強積金管理商, 肥死大財團...

難度貓已經搵夠退休...所以冇股票

今朝一開大升, 大家更要小心

各位大大, 見到咁升法...千奇唔好以為形勢已經轉好...

其實依個小陽春唔會好得幾耐, 現時全球經濟未到最壞... 响幾個月內失業應該會上升... 到時人人不敢消費, 進一步雪上加霜, 才是低位

如果你既股票返到家鄉, 唔好再諗即走

時到如今，美國及歐洲可能會出現三十年代的大蕭條　（應時百年一遇）

估唔到我有生之年，會見到這一次經濟大跌；現時開始，你最重要是要儲好現金，好快買咩都平

可能有好平的二手車，hifi，唱片，紅酒，股票．．．

[quote:a71c5b3015="Dyna"]全球股市 絕地反彈........真定假?[/quote]

個人認為

反彈<>升市

經濟基調要好, 先有條件好落去, 技術上的反彈, 你可以搏到一兩次...不過一定要隨時準備做止蝕 - 還要記住, 唔等果筆錢用先好

而家係技術反彈, 專業炒家要開飯, 個市一定要上下波動先可以賺錢; 因為佢o地會買跌... (一般人好少short, 估空)

美國會再有本土銀行倒閉, 跟住會累及其他大銀行 -> 斷而世界各地的金融機構

個倒閉潮開始o左不是太耐, 好難完事...

沒有太壞消息的話, 唔會去到11,000 或12,000, 在一個15000到17000上上落落
一般散戶現金唔多的話, 千萬唔好去

壞消息出現既時候, 會快速地去到12,000甚至更低

紅酒方面, 香港好多配套未得, 你入o左futures; 但你要响英國入紅酒倉

咁高成本, 好難話大賺... 但入得既話, 感覺好似入滙豐, 中電; 都算穩陣

黑膠的升幅, 有中國大陸 / 韓國頂起, 好多時都可以幫補下

不過, 要買平o野, 你就要想辨法, 直接去英, 法, 德, 荷, 日等地入貨...ebay就唔會有好o野...

實在太急，令我要重新估計．．．我諗住十月尾／十一月初先１２０００，但．．．

１００００都有可能，小心 :!:

嘩，唔好咁講！ｓａｍｓａｍ是大輸 :twisted: ，唔係大師

你可以叫我sam大輸得啦

都真係蝕o左唔少；但勝在响銀行做，可以有比較高少少息的Staff Saving....頂下

暫時因為美金轉強，物價將會跌返少少，唔會出現滯賬　（通賬及經濟衰退同時出現）消費收縮，商店一係唔做，一係減價

最近大量二手音響／唱片放盤，就知道大家已經失去信心

再長期係咁，我都要收緊音響及唱片的開支 :!: 又或者到時William / KK / Modi見我咁可憐，俾返個折扣俾我呢 ops:

其實最擔心都會係失業情況, 我都認識有人被lay-off...

但情況未到好壞, 因為還有很多新job 既post; 甚至有人給我一個offer, 不過人工相對個position就幾低下

我諗最重要係: 你就算輸o左, 都唔好影響心情, 小心儲蓄 - 手頭要多現金 :!:

萬一你不幸被炒或者收入減少, 還可以過渡低谷

俾自己多一份信心, 只要有能力和努力工作的話, 一定會頂得住

[quote:bb057993fb="kk_ho"]SamSam,

Please let me know the impact when drop below 10,000[/quote]

一萬唔出奇，但要睇時間有幾長，長的話會引發一連串信心及消費問題...
你可能見到大家x 好多人, 咩咩鮑魚無晒人...酒樓伙記多過客
樓市先會真正咁跟住跌, 以往高位一插30%, 今次咁大鑊, 可能40%
失業問題會增加, 可能到6%; 相信政府會在基建上加碼去支持經濟

不過, 以我而家的觀察, 會在十二月及下年四月前; 公司會出現裁員潮 - 係咪10,000都照炒o架啦 (老闆唔想俾雙糧及bonus, 可能小弟到時都踎响屋企)

應該國內工業會最差(包括大量港商), 會繼續有倒閉結業; 數量一定唔細, 而家過萬, 再可能多一萬家...  主要是銀行一定唔會借短錢; 而很多廠是靠借來頂的
再而年尾債主上門, 叫極無錢還, 又可以點呢 :?:

最後, 今次香港升浪從沙士到高位, 成三年有多, 個跌市可能有好長時間...低迷可能去到兩年咁上下...先補充返個元氣

真的話, 都幾大鑊 ... 因為個問題是假設性, 所以我都作出一定的假設, 以下的都是估計; 不能100% 反映現實情況, 請大家留意

7000的話, 可能會令金融機構出現好大現金問題, 相信有咁既日子, 好多客都還唔到錢, 就算有得還都可能係債務重組, 收返個本, 利息收唔到, 銀行冇錢賺

一切商業活動全面停頓, 真正的大蕭條...金融架構都有危險的話就好難恢復

香港有可能好似日本, 搞極都上唔返山峰...更可佈的是阿根廷, 廿多年前南美強國, 生活富裕可比香港, 今日好彩還有農產品照住; 講句唔好聽, 經歷阿根廷風光的中年人, 可能有生之年都見唔返果段好日子 (只因金融出現結構性問題)

之但係香港銀行算係世上少有的保守, 會作出更保守的態度; 其實會使社會更安全, 因為香港沒有真正中央銀行, 真係有咩事都係靠佢o地自己...我諗唔會衰到好似上面的例子 - 到而家香港最重要是要保住個聯繫匯率制度, 貨幣穩定是基礎 :!:

另外, 今日反彈唔代表o的咩, 唔係升市; 應會再插...唔彈唔郁重好過

唔寫啦, 公司有多o野搞, 有機會先再講

小陽春 - 你叫我估, 我中o左的話都未必幫到大家賺錢

10到15個工作天好好地...跟住...

我都希望我睇錯 -> 好可能用向下....唔好個個都叫我去諗o的衰o野啦 :!:

[quote:f7def2169f="Sam_Sam"]小陽春 - 你叫我估, 我中o左的話都未必幫到大家賺錢

10到15個工作天好好地...跟住...

我都希望我睇錯 -> 好可能用向下....唔好個個都叫我去諗o的衰o野啦 :!:[/quote]

數下數下, 開始反彈, 過了10個交易日, 今日冇o左700點, 唔通真係...開口中

由11號到而家都係好弱...